MAA SHAKTI

Tujhse seher,
tu woah lau jo jalti har peher
Tere daaman mein
gum ho jaate toofan aur qeher…
Tujhse khilte pal
tujhse bante sanwarte kal
Shola, saawan ha bijli
tu hai Maa Shakti.

Tu hi hai bahaar
jo hai mehke banke pyaar
Tu hi woah qaraar
Thaame haath, le chal jo paar…
Tu na jaane cchal
Dwaesh mein bhi tu hai sheetal
Shola, saawan, hai bhakti
Tu hai Maa Shakti.

Chuve maut bhi
Tu toh rang de usko zindagi
Jaane sab koi
Phir bhi maane ki tu ik paheli…
Tu hi kar de hal
Dhal de tujhsa sabko prabal
Shola, saawan hai srishti
Tu hai Maa Shakti.

A song written for the Alteregoz

YEH ZINDAGI KI RAAHEIN

Yeh zindagi ki raahein hain kitni ajeeb
muqaddar mein sabke hai ik hi naseeb

Raeesi ka banda ho ya maalik ko
Dono hi ruksat hote bankar fakir.
Yeh zindagi ki aahein kabhi thamti nahin
Yeh zindagi ki rahein hain kitni ajeeb.

G'am ke hi sajde karte, khushi ke nahin
Jannat mein bhi hai unko naaraazgii
Insaanon ki chaahein bhi hoti kitni ajeeb.

Kuch hain ki vaadon ke hote ghulam
Waqt aur iraadon mein dhoondein maqaam
Ilm ki salaakhon mein dafne yeh peer
roohein riha hai par bandi shareer.

Rehm-o-karam bhi se aksar hote gunaah
Zulm-o-sitam ko dete haskar panaah
Duniya jo khud hi karti yeh deewangii
Khuda se kyon shiqwe karti har do ghadii.

Raahon ko chunte, jinki manzil nahin
Koshish woh khwaabon mein bhi karte kabhi
Toh jaane duaaon se na badle naseeb
Falsafaa purana ab bi yeh samjhe nahin
ki raahein zindagi ki hain waaqai ajeeb.

Wrote this first thing 2day morn...in office that too. Not my fault! Blame Bangalore weather and..
HUSH...
Drifting soft enter dreams
through my window whilst I sleep
Be not sad that mine eyes look tired
and think not, pray, my patience wore
‘Tis just that my heart felt weighed,
as restless it leapt at every knock on my door.

I will wait as I know I must
biding time watching shadows play
Faces, feelings, some I loathed, some I trust
On brittle walls, they form and fade.

Vast and open stretches in velvet ink
mine sky as does my world
Wings had I that aspired to fly
but now they lie shattered, in sorrows swirled.

Dawned has though a sliver of hope
and nurture it to my best I will
But hush, it too sleeps, with a smile on its lips
so enter softly, dreams, past my window sill.

A young rag picker and his...
BELLYFUL OF DREAMS( Naya naseeb)

Sundar saare iss jahaan mein
sapne sabke jhilmilaaye
Chanda fir kyon rote aaye
meri raaton mein

Taare toote aasma mein
roshan vaade choothe jaayein
Kisliye woh saaye cchaane
mere khwaabon mein.

Aisa kyon ki gumsum hain zameen
Kaliyaan meri kori har kahin
Khushiyon pe parchaai si
bachpan ye murjhaayi si
Dil ye mera mujhsa hi garib
Mil jo jaaye muhko ek pari
maangu usse main naya naseeb.

Sundar saare iss jahaan se
sapne sabke jhilmilaaye
Chanda ab bhi rote aaye
meri raaton mein.

Taare toote aasmaa mein
roshan vaade cchoote jayein
Chaahe saaye cchanthe jaayein
mere khwaabon mein.

Reh bhi jaaye gumsum yeh zameen
kaliyaab meri rangeen na sahi
Khushiyon ki hai jhalki si
Bachpan cchalke halki si
Dil yeh mera kyun ho fir garib

Mil bhi jaaye mujhko woh pari
Maangu usse mein subah nayi....

Bhanwre dheemae gungunaayein
sargam pyaari keh sulaayein
dhun woh tooti kyun ghulaayein
meri saanson mein

Thandi aati hai hawaaein
naadan palkein choome jaayein
Tinke bhaari kyun udaaein
meri aankhon mein....

Annnnd now i enter untested territory....uploading a new form of torture....hindi poems in english format. Those who know me dont read this..(coz u may want to kill me later) and those who read it...U DONT KNOW ME!! :D
I call it
Tere Bina...

Mehfil, manzar aur yeh samaa
hai soona soona tere bina
Andhere hain, chiraagon mein
roshan kaise ho mera jahaan.

Behle kaise tanha, pyaasa yeh dil
judaai mein khushi badi hai mushkil
Aey saathi jo na tu aayaa
Berang hai mera aasmaa.

Teri hansi nahin jo bahaaron mein
Aansoo bhare bas ghataao mein
Bhaari, dhundla har woh lamha
jo guzaaroon tere bina.

Maut se bhi main lag jaoon gale
gar meri rooh mein fir tu aa mile
Sapne hain gumsum aur pal pareshaan
Dhadkan ghum jaate bankar bezubaan.

Tere bina.....